Asllan Dinaj

Asllan Dinaj (25.11.1980 – 18.04.1999) ishte ushtar i Ushtrisë Çlirimtare të Kosovës, një hero i lavdishëm i Kosovës dhe një shembull i vërtetë i trimërisë dhe përkushtimit ndaj vlerave të lirisë dhe pavarësisë.

• Jeta dhe familja

Asllan Dinaj u lind në fshatin Skivjan të Gjakovës, një zonë e njohur për traditat e forta dhe për kontributin e saj në lirinë e Kosovës. Rrjedh nga një familje e respektuar, dhe atdhetare me prindër që i dedikuan fëmijëve tyre një arsim të mirë dhe një edukim me vlera.

Shkollën fillore e kreu në Skivjan.Ndërsa shkollimin e mesëm e regjistroi në “Nexhmedin Nixha”, por kur situata politike e vendit u përkeqësua dhe tensionet me Serbinë arritën pikën kulmore, ai nuk mundi të qëndronte prapa bankave të shkollës.Kështu, në moshën 17-vjeçare, Asllan Dinaj i bashkohet radhëve të UÇK-së.

• Veprimtaria

Asllan Dinaj shërbeu me guxim dhe vendosmëri në frontet më të vështira të luftës për liri dhe pavarësi. Më 7 qershor të vitit 1998, në momentin e sulmit të fshatit Dujakë, ai nuk rri pas, por bën një veprim humanitar duke ndihmuar në evakuimin e popullsisë. Veçanërisht nënkuptohet që ai organizoi dhe realizoi transportimin e Ahmet Zog Morinës, një personi i cili ishte i paaftë për të lëvizur vetë dhe që ishte rrezikuar nga sulmet serbe. Ky operacion ishte jo vetëm sfidues, por edhe me rrezik të lartë për shkak të bombardimeve serbe. Në të njëjtën kohë, angazhimi i tij në beteja të ndryshme, siç është ajo e Loxhës më 6 korrik 1998 dhe ajo e zhvilluar në Gllogjan më 17 dhjetor 1998, e vë në dukje si një luftëtar të palodhur dhe të përkushtuar për lirinë e Kosovës. Përveç kësaj, ai gjithashtu shënoi suksese në shumë operacione të tjera, duke përfshirë ato në Izniq, Carrabreg, Voksh, Junik etj.

• Rënia heroike

Me 18 prill 1999, në malin e Maznikut, në një nga betejat më të rënda dhe më të vendosura të luftës për liri të Kosovës, Asllan Dinaj shfaqi trimëri të rrallë dhe guxim të pamposhtur. Në një vendim vendimtar, vendosi të shoqëronte Luanin e plagosur rëndë për të i shpëtuar jetën, duke e shoqëruar deri në Bjeshkët e Rugovës. Kjo ngjarje ndodhi më 18 prill 1999, dhe që nga ajo ditë, fati i Asllan Dinajt mbetet i panjohur. Për fat të keq, ai u nda nga jeta në një moshë të re, por trashëgimia dhe vepra e tij vazhdojnë të jetojnë përjetë në kujtesën dhe historinë e Kosovës.

• Pas rënies heroike

Ende nuk dihet për trupin e dëshmorit të liris Asllan Dinaj, familjarët me lot në sy presin me pa durim që ti gjejn eshtrat e dëshmorit.

Asllani ka lënë pas prindërit: Canën dhe Hysen; vëllezërit: Kapllanin, Luanin dhe Fidanin; Motrat: Ajnishahin, Nurishahin, Afërditën dhe Linditën.

Asllan Dinaj, pas përfundimit të luftës, u nderua dhe u dekorua me medalje, certifikata dhe mirënjohje të shumta, këto nderime iu ndanë nga autoritetet e ndryshme si Qeveria e Përkohshme e Kosovës, OVL-UÇK-ja, Shoqata e Familjeve të Deshmorëve, Komandanti i Rrafshit të Dukagjinit, si dhe nga Presidenca e Kosovës, që i dhuroi titullin “HERO i Kosovës” me datën 11 mars 2019.

Këto vlerësime të larta u jepën për të shprehur respektin dhe admirimin për sakrificat dhe përkushtimin e Asllan Dinaj në mbrojtje të vlerave të lirisë dhe pavarësisë së vendit të tij. Familja, bashkëluftëtarët dhe komuniteti i tij e nderojnë atë si një dëshmor të lavdishëm i Ushtrisë Çlirimtare të Kosovës.Përjetë do të mbahet në kujtesë trimëria dhe guximi i tij për liri dhe drejtësi.